'•°•°• | مراهقين آخر زمن | •°•°•'.

'•°•°• | مراهقين آخر زمن | •°•°•'.
القصه: مراهقين اخر زمن
ــــــــــــــــــــــــــــــــــــــــــــــــــ ـــــــــــ
..نعرف بشخصيات..
جود: 18 سنه
ود زميلة جود : 18 سنه
فهد اخو جود : 20 سنه
بدر خوي فهد : 20 سنه
ناصر خوي فهد :21 سنه
ــــــــــــــــــــــــــــــــــــــــــــــــــ ـــــ

جود وود مثل عادتهم يمرون الدكان الي قريب من بيت جود يشترون اغراض للسهره عندهم كل اربعاء سهره لفلم هندي هم مو خوات لكن رفيقات عمر من الابتدائي ..

جود: ودوووه لاتنسين تجيني للفلم ترى هذيك المره سامحناك يوم ماجيتي
ود: ههههههههه طيب ولاتزعلين خلاص 6 واكون عند بيتكم
جود: كومار وقف هنا .. ها وش تبين ست ود ؟
ود : والله ياست جود ابي جال**ي وبيبسي ودريتوس .. وانتي ؟
جود: انا شوف كومار جيب بيبسي دايت و..
ود: يع ماسخ طعمه الله يقطعك
جود: كيفي !!
ود: شكلك اول مره تشربينه خخخ
جود: لا وخلي الرجال يخلص
كومار: مدام ..
جود: طيب طيب بيبسي دايت وسنكر وتوي** وكتكات وفلك و.... بس
ود: الله يحوم كبدك وش هالخرابيط؟
جود: كيفي
.................
كومار: خلاص مدام ..
جود: خلاص جبتها ؟
كومار : ايه في كلاس
ود: يلا روح بيت جود
[ود وصلت جود وراحت لبيتهم]

بيت جود
ـــــــــــــــــــــــــــــــــــــــــــــــــ
جود: سلام عليكم دار قوم مؤمنون
ام جود وابوها:وعليكم السلام
فهد اخو جود: الله يفضحك شايفتنا بمقبره ههههههههههه
ام جود: الله يهديك ولدي مقبره مره وحده.... هاه وش سويتي بالجامعه؟ بتجيك ود اليوم ولى لا؟
جود: اذا ماجات احش رجولها
فهد: يبا وش جبت انت وامي لنا هذي مو بنت هذي سفاح ههههههههه
جود باستهزاء: هههههههه تعرف تنكت بس ياويلك سواد ليلك تجي لاجات البنت فاهم مو زي ذيك المره
ام جود: ليه وش صار؟؟
جود: مادريتي ك...
فهد حط يده على فم اخته وقال: وراك ماتبلعين السانك يكون احسن
جود: ايه اقعد وان عتبت درجة الباب ..ترى بيوصل الكلام لأمي
فهد: طيب طيب لكن بطلب منك طلب
جود : خير
فهد: عطي ود رقمي
جود : يمااااااااااااا
فهد: خلاص خلاص...اوووووووف رايح
جود :روحه بلا رده ...ههههههههههههههه
ــــــــــــــــــــــــــــــــــــــــــــــــــ ــــــــــــــــــــ
[ جات الساعه 6 المغرب ووصلت ود ]
جود: هلا هلا اقلطي ..هههههه
ود: السلام عليكم خاله وش اخبارك؟
ام جود: تمام يابنيتي شخبارك؟
ود: تمام
ام جود: وامك كيف حالها؟
ود: شوفت عينك هلكانه
ام جود : الله يشفيها
[ ام ود كبيره بالسن وعندها مشاكل بالقلب وارتفاع ضغط...واما ابوها متوفي من 3 سنين وهي وحيدة امها ]
جود: مامي بعد اذنك يابعد مامي بنروح للمجلس كابيش؟
ام جود: يعلم ربي اني مااعرف معنى الكلمة بس تكبيش..
جود وود :ههههههههههههههههههههههههه
ام جود : ها.. وش الي مضحكم؟
جود: هههههه الله يهديك ام فهد كابيش مو تكبيش
ود : ماعليك منها خالتي تراها هبله
ام جود: انا يابنيتي ماعرف كلامك كله عنقليزي وخرابيط
ود: الله يوسع صدرك ياخاله دامك وسعتي صدري
ام جود: امين يابنيتي .. الحين مو وراكم فلم تتابعونه؟
جود : صدقتي باي
ود: الله يهديك ليه العجله؟
جود: وانتي وراك ماتسرعين مابي اخوي يجي
ود شهقت : فهودي هون؟؟
جود: اشوف التدليع بدا ليكون حبيتي يالهبله تراه لعاب ...ل ع ا ب
ود: ماسمعتي اغنية كذبك حلو؟؟
جود : ايه ...وال**ده؟
ود: هذي مالفه خصيصا له ولي
جود: انتي سويتي طريقك بيدك تحملي ولاتقولين ماحذرتك هذا اخوي واعرفه خبز يديني
ود: خلاص خلاص طالعي الفلم وانتي ساكته
جود: هين هين ودوووه هين ان ماندمتي
ود: كلش ولازعلك يالغاليه....احم طالعي
[ الفلم كان Mine ho naa بطولة شاروك خان وشسميتا سن وزايد ..جود وود جابوا بوبكورن والببسي وتربعوا بالمجلس وجلسوا يناظرون الفلم ..]
بالمطبخ
ــــــــــــــــــــــــــــــــــــــــــــــــــ ـــــــــــــ
أم جود تطبخ مع ميمي الخدامه الا وفهد دخل المطبخ
فهد: ام فهد فديت طبخك بالله وش طابخه الريحه واصله للحوش
ام جود: والله ياوليدي طابخه كبسه وش غيرها
فهد: فديت الكبسه وراعيتها الا اقول يما
ام جود: سم ياوليدي
فهد: الا جود ورفيقتها وش اسمها؟؟...
ام جود: تتغبى عارفه حركاتك
فهد:أي حركات الله يهداك
ام جود: اسمها ود وش عندك؟
فهد: اللـــــه ياحلاة هالإسم ..ماعندي شيء بس..
ام جود: عاجبتك اخطبها لك؟
فهد: عالطول اخطبها ماعندكم غير الزواج تفكرون فيه خلونا نعيش قصت حبنا
ام جود: بلا حب بلا بطيخ قال قصت حبنا البنت مو من ذا النوع البنت خلوقه
فهد: انتي يايما خلي التفكير بالزواج علي واهتمي بكرش ابوي طيب
ام جود: يعني هذي وظيفتي بالبيت ياوليدي
فهد: لا افا انت شمعة البيت يا ام فهد [(( وباس راسها وايدها))
ثم راح للمجلس]

ود: جود انا رايحه
جود : لوين ان شاء الله؟
ود: رايحه للحمام اغسل من ببكورن حقك في احد يحد عسل عليه الله يديم النعمه
جود: ههههه هذي وصفتي الخاصه
ود: وين اروح خلصي تتفاخر بعد
جود: اكييييييد الحمام اول ماتطلعي من الباب لفي يمين
ود: طيب لقرب احد يموت علميني ههه
جود: هذا اللي هامك بس
ود: شوور
[ود طلعت ولفت يمين شافت المغاسل وغسلت وهي تمشي بترجع الا تعثرت بالجزمه ومسكت بمقبض الباب الي قدامها ووانفتح وطاحت طالع فيها بدر وهي طايحه ويتامل وهي ماانتبهت مسكت راسها ...]
ود: آخ وش صار
[ انتبهت بريحة عطر رجالي رفعت راسها شافت الكنب وانتبهت انه في رجالين ]
ود: يؤ ياويلي..

[ وهي تطلع وعقب ماشافت فهد قامت تردد في بالها هالقصيده :

على نارالصبرقلبي يذوب لشوفة عيونك
يعذبني الصبر لاكن املي عيوني بالشوفة
كثيرة قلوب عشاقك ولكن قلبي مجنونك
يصيح وتحضنه روحي تقول القاسيه ظروفه
تعبني هالزمن والله وسقاني المر من دونك
بوجودك كان ما يخطي بغيابك بانت سيوفه
تخبل وش بقى فيني وانا اللي حيل مفتونك
وربي لاسمعت اسمك تطير الروح ملهوفه
عسى محد يجيب اسمك عساهم ما يطرونك
تمنيتك تجي وتشوف عيون ما يشوفونك
عيون ساهره في بعدك عيون حيل مكتوفة
وانا مانمتها عيون تبيع الشوف لعيونك
عيون ماتشوفك انت وربي مابي شوفة


ادخلت على جود وهي حاطه يدها على قلبها تكلمها جود وماتسمعها ]
حركتها بقوه جود : ودوووووووه وصقه
ود: نعم ..خير
جود: وش صار فيك وليه داخله كنك شايفه شبح
ود: فاتك طحت في مجلس الرجال خخخ
جود منصدمه : ها انهبلتي
ود: الجزمه هي السبب مو انا
جود: لا ولا بغيتي تشوفين الحبايب
ود: ياويلك من ربي لا جد بس يوم طحت انتبهت اني فيه شميت ريحة عطر وكان اخوك معه واحد
جود : يهب مسرع قزيتي
ود: لا عن جد صدفه اني انتبهت
جود: طيب طيب حصل خير اهم شيء مره ثانيه برسلك لحمام الحريم
ود: اجل انتي السبب وديتيني لحمام الرجال
جود: لانه اقرب خخخ
ــــــــــــــــــــــــــــــــــــــــــــــــــ ـــــــــــــــــــ
بالمجلس
بدر: من هذي؟؟!!!!
فهد: ها !! ايه هذه خوية اختي
بدر: ههههههههههه قلت الاماكن الي تطيح فيها
فهد: طيب طاحت وانتهى الموضوع..
بدر: المهم جاي يوم الجمعه
فهد:... ها ... ليه؟
بدر: ياابو الشباب ترانا ع الارض
فهد: اقول اسكت تذكرتك ايه اكيد جاي اخاف انت الي تنسى
بدر: كثر منها هههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــ
يوم الجمعه
بدر: ابوراشد هنا هنا
فهد: هلااااا اعلومك.. جاهزين؟
بدر: اكييييد
فهد: انا الكامري السودا انت البيضا
بدر بقهر: طيب طيب
الرجال : جاهزين
فهد وبدر : اكيد
الرجال: انطلاق..
[ وانطلقت السيارتين والشباب صراخ وتشجيع وفهد وبدر بحماس يتسابقون وكل مال السرعه تزيد وتزيد وتزيد ]
فهد: ادعس ههههههههههه
بدر بصراخ : وووووووو.. ها يابو راشد قدها ههههههههه
فهد: قدها وقدووووود
بدر وهو يزيد السرعه: هههههههههههه
فهد بخوف وهو يصارخ : بــــدر انتــــبـــه
بدر: عجيز وراك خواااف ههههههههههههههههههه
فهد: بـــــــــدر السياره
بدر: تتحداني تتحداااااااااااااني
فهد: ؟؟؟؟؟
[ بدر يزيد ويزيد لمن وصل لـ 200 ويسرع ع الطريق العام الا وفجاه شاحنه قدامه انصدم ومعها حاول يلف وجلس يحاول يلف يحاول .. ويحاول بس ماقدر ]
فهد بعصبيه: بدر لــــفففف
بدر: ؟؟؟؟؟؟
.......................................
[ فهد وقف سيارته فجأه وجلس ماسك الدر**ون يحاول يجمع وش صار الحين منصدم يطالع
بالناس تركض ومايدري على ايش اخذت الافكار توديه وتجيبه لايكون بدر انشل لا لا ماتوقع ليكون.. احتار بايش يفكر مصدوم لدرجه جسمه انشل ع الحركه مو قادر يقوم مو قادر يروح يشوف ايش صار الناس تجمعوا على سيارة بدر يحاولون ينقذونه بس الي فات مات ناصر راح لسيارة فهد, فهد يناظره وده يقول لاتخاف بدر حي بدر حي بس حس ان وجه ناصر يقوله شيء ثاني ناصر خانه لسانه احتار وش يقول فهد لسى ساكت ومرت لحظه صمت لين ناصر لفظها وقعت على قلب فهد وحس بثقلها حس انه مخنوق دمه يندفع لراسه مو قادر يتحمل..
ناصر: فهد فهد ..
فهد يئس : تكفى قل غيرها تكفى
ناصر: ياليت يافهد ياليت ( عظم الله اجرك )
[فهد قام ومنهد حيله مايدري وش يسوي راح لسيارة بدر شاف الناس تتفرج مايدري يبكي يعصب جلس يتامل خويه عزوته جلس يتامل ويناظر الدم الي مغطيه حس الدنيا خذت نصه الثاني لسى يتامل خويه الي عاش معاه سنين عمره خويه الي علمه السواقه صحح اغلاطه بصلاه قام يفكر من اهزمه الحين بالكوره تذكر يوم بدر يسرق نعاله عند المسجد ويقعد هو يدورها حس ان دنيته انتهت حس بضياع وشوق قعد جنب بدر يناديه..
فهد: بدر بدر ادري انك تلعب يلا بدر صلاة المغرب بتفوتنا بدر بدر
ناصر: فهد بدر مات
فهد: لا انا اعرفه
ناصر: مات بدر مات
فهد: بيقوم بيقوم
ناصر: فهد بـ..
فهد: بس انا ادري ادريييييييي
[ قام شال بدر ومشى به مايدري وين يروح اخذ يمشي ويمشي شايل جثة خويه راح لبيت بدر ودق الباب فتح ابوه الباب منصدم بلي يشوفه من حالة ولده : بدر بدر.. وش صار فيه
فهد: عظم الله اجرك ياخال عظم الله اجرك
ابو بدر وضاع منه الكلام ..
[ فهد وصل لبيتهم دق الجرس افتحت له جود وانصدمت لمن شافت الدم وحالة اخوها]
جود: فهد وش فيك ؟
فهد: ب..ب..بدر م..مات
جود: ها؟
فهد: بدرمات
جود: يماااااااااااااااا يبااااااااااااااااااا
ابو جود: فهد وانا ابوك وش فيك وش هالدم الي عليك تكلم وراك ساكت!!
جود: يقول بدر مات..
ام جود: ها؟
فهد: اتركوني..
ابو جود: وش صار ؟ قل؟ كيف ؟
فهد وصوته مبحوح : اتركووني ..
[ فهد دخل غرفته وجلس عند الزاويه ويردد مات مات ]
ام جود: انا لله وانا اليه لراجعون
ـــــــــــــــــــــــــــ

انتظرونا بالجزء الثاني

[siz:cyclops:e=29]

فيه قصص اغرب واغرب

**
*
اي والله اخر زمن
_-_

شكرا على الموضوع الجميل

*
*
انتظر الجزء الثاني
>>

تحياتي بنت اليمن


دمتم سالمين

[/size]

يووووووووووووووووووهـ


شوقتني للجزء الثاني


يعطيكـ العآآفيهـ


تقبل مروري

شموخ آنثى